मध्यरातमा सूर्यविनायकमा यस्तो विपत्ति

भक्तपुर । सूर्यविनायकमा रहेको एक मासु पसलबाट सुरु भएको आगलागी अन्यत्र फैलिदा करिव १२ लाख बराबरको क्षति भएको प्रहरीले जानकारी दिएको छ । आइतबार राती करिब १२ बजेको समयमा सूर्यबिनायक नगरपालिका ६ पाण्डुबजार जस्ताको टहरामा भोज बहादुर घिसिङले संचालन गरेको मासु पसलमा आगोलागी भएको थियो ।
प्रहरीको प्रारम्भिक अनुसन्धानमा  अचानक बिजुलीको तार सर्ट भई उक्त आगोलागी भई नजिकैको अन्य पसलहरुमा समेत सल्किन पुगेको महानगरिय प्रहरी परिसर भक्तपुरका सूचना अधिकारी डीएसपी दिपक गिरीले जानकारी दिएका छन् । आगोलागी हुदाँ बाह्र लाख साठी हजार बराबरको धनमाल जलि नष्ट  भएको छ र  मानवीय क्षति भने नभएको प्रहरीले जानकारी दिएको छ ।  उक्त मासु पसल गजिकै रहेको रामकृष्ण चौगुठीको फर्निचर पसलमा रहेको दराज, टेबुल, फर्निचर बनाउने काठ र बा ७५ प ५८२४ नं को मोटर साइकल पूर्ण रुपमा क्षति भएको छ,’ डीएसपी गिरीले भने । 
घिसिङको मासु पसलमा रहेको जिउँदो बोईलर कुखुरा २५ वटा, तयारी मासु र फ्रीज १ थान, नारायण साडेमियाले संचालन गरेको चिया पसलमा रहेको फ्रीज १ थान, टेबुल, कुसी नष्ट भएको छ । 
बिमल घिमिरेले संचालन गरेको फेन्सी कपडा पसलमा रहेको कपडाहरु र नरेश कर्माचार्यको कोठा समेतमा आगोलागी हुँदा कोठामा रहेका दराज, पलंग, कार्पेट, बेड बिस्तारा, लत्ता कपडा र अन्य सामान समेत जलेर नष्ट भएको प्रहरीले जानकारी दिएको छ । घटनाको सम्बन्धमा थप अनुसन्धान कार्य भईरहेको सूचना अधिकारी डिएसपी गिरीले बताए । पुस २७
 



प्रतिक्रियाहरु