मजदुर किसान पार्टीको सातौँ महाधिवेशन असोज ३ गतेदेखि


भक्तपुर । नेपाल मजदुर किसान पार्टीको सातौँ महाधिवेशन असोज ३ गतेदेखि ५ गते सम्म भक्तपुरमा हुने भएको छ । पार्टी अध्यक्ष नारायणमान बिजुक्छे रोहितले असोज ३ गते दिउँसो भक्तपुरको सल्लाघारीमा महाधिवेशन उद्घाटन गर्ने पार्टीले जनाएको छ । उद्घाटनअघि कोटेश्वरबाट एउटा र भक्तपुरको च्यामासिंहबाट अर्को ¥याली सल्लाघारी पुग्ने कार्यक्रम रहेको छ ।
पार्टी सचिव एवं प्रतिनिधि सभाका सदस्य प्रेम सुवालले एक वक्तव्य जारी गरी पार्टीले महाधिवेशनलाई समाजवादी प्रचार अभियान र राजनीतिक कक्षाको रुपमा अघि बढाउने उल्लेख गर्नुभएको छ । स्थापनाकालदेखि नै देशको सार्वभौमिकता र कामदार जनताको पक्षमा निरन्तर संघर्ष आएको सो पार्टीले जनाएको छ । राष्ट्रिय र अन्तर्राष्ट्रिय परिस्थिति जटिल रहेको अवस्थामा महाधिवेशन हुन लागेको बताउँदै पार्टी सचिब सुवालले वर्तमान सरकारले मूल्यवृद्धि र भ्रष्टाचार रोक्न नसेकेको वक्तव्यमा उल्लेख गर्नुभएको छ ।
बक्तब्यमा भनिएको छ, ‘नेपालको तराई डुबान हुने गरी भारतीय विस्तारवादद्वारा सिमानाको दशगजामै निर्मित बाँध र तटबन्ध हटाउन समेत सरकारले सकेन ।’ नेमकिपा जनताको प्रजातन्त्र हुँदै समाजवाद र साम्यवादसम्म पुग्ने लक्ष्य राखेको कम्युनिष्ट पार्टी हो । यस अघि देशका बिभिन्न भागमा राम्रो संगठन भएको नेमकिपा अहिले भक्तपुर निर्वाचन क्षेत्र नम्बर एकमा मात्र खुम्चिएको छ । महाधिवेशनले नयाँ नेतृत्व चयन गर्ने भए पनि स्थापना कालदेखि नै बिजुक्छे नै निरन्तर पार्टी अध्यक्ष रहँदै आउनुभएको र फेरि पनि उहाँ नै पार्टी अध्यक्ष हुने पार्टी निकट स्रोतले जनाएको छ ।
उहाँको बिकल्पमा पार्टीमा अर्को नेता सर्वमान्य नहुँदा फेरि पनि अध्यक्षमा बिजुक्छेको संभावना बलियो भएको हो । स्मरण रहोस् पछिल्लो संघीय सभा निर्वाचनमा लामो संसदीय जितलाई बिश्राम दिंदै फेरि पनि जित्ने सुनिश्चित हुदाहुँदै पनि निर्वाचनमा नउठ्ने घोषणा गर्दा त्यागी नेताको रुपमा बिजुक्छेको राष्ट्रिय चर्चा भएको थियो ।
 



प्रतिक्रियाहरु




सम्बन्धित शीर्षकहरु