पहिलो एसिया स्तरीय सुरक्षा सम्मेलन सम्पन्न


काठमाडौं । नेपाल प्रहरी र आईसिआरसीको संयुक्त आयोजनामा काठमाडौंमा संचालित ३ दिवसीय एसियाकै पहिलो प्रहरी सम्मेलन सम्पन्न भएको छ ।  सम्मेलन समापनका अवसरमा बिहीबार आयोजित समारोहमा प्रहरी महानिरीक्षक सर्वेन्द्र खनालले सम्मेलनमा सहभागी उच्च सुरक्षा अधिकारीहरूलाई प्रमाणपत्र वितरण गर्नुभयो ।
समापन समारोहलाई सम्बोधनगर्दै प्रहरी महानिरिक्षक खनालले क्षेत्रीय तहमा मानव अधिकारको प्रबर्द्धन गर्दै कानून कार्यान्वयन गर्न विस्तृत रणनीतिहरू तयार गरी लागू गर्न सम्मेलनमा भएका छलफल एवम् एजेण्डाहरूले सहयोग पु¥याउने विश्वास व्यक्त गर्नुभयो । समाजलाई सुरक्षित बनाउन तथा रणनीतिक रूपमा एक अर्कालाई सहयोग गर्न सबै सहभागी देशका उच्च सुरक्षा पदाधिकारीहरू उत्साहित रहेको चर्चा गर्दै प्रहरी महानिरीक्षक खनालले अपराध नियन्त्रण गर्नका लागि गरिएका कार्यहरु, अनुभव तथा सिकेका उत्तम अभ्यासहरू सम्मेलनमार्फत एकआपसमा आदान प्रदान हुने तथा अपराधलाई क्षेत्रीय रूपमा नै निस्तेज पार्न सम्मेलनले थप सहयोग मिल्ने बताउनुभयो ।
समकालीन चुनौती र अवरोधहरूको पहिचान, कानूनको शासन, कमाण्ड व्यवस्थापन र समुदाय प्रहरी साझेदारीले अख्तियार गरेको दृष्टिकोण सम्मिलित बिभिन्न विषयमा छलफल भएको सम्मेलनका प्रतिबिम्बित आवाज र दृष्टिकोणले अन्य राष्ट्रहरुलाई पनि प्रेरणा दिने प्रहरी महानिरीक्षक खनालले उल्लेख गर्नुभयो । सो अवसरमा आईसीआरसी नेपालका मिसन प्रमुख आन्ड्रे पाक्केटले सम्मेलनको महत्व र सम्मेलनबाट प्राप्त निचोडहरु ज्यादै उपयोगी सिद्ध हुने विश्वास व्यक्त गर्नुभयो । साथै आगामी दिनमा पनि नेपाल प्रहरीसँग सहकार्य गर्दै जाने प्रतिवद्धता व्यक्त गर्नुभयो । कार्यक्रममा सहभागीकोतर्फबाट नेपाल प्रहरीका प्रहरी वरिष्ठ उपरीक्षक बसन्त कुमार पन्त र थाइल्याण्डका पुलिस मेजर जनरलले मन्तव्त व्यक्त गर्नुभएको थियो ।
 सम्मेलनमा नेपाल समेत गरी १५ एसियन राष्ट्रहरुका २५ जना उच्च प्रहरी अधिकारीहरुको सहभागिता रहेको थियो । सम्मेलनमा संयुक्त राष्ट्रसंघसँग सहकार्य गर्ने समेतका विषयहरुमा वृहत् छलफल भएको जनाइएको छ ।  
 



प्रतिक्रियाहरु




सम्बन्धित शीर्षकहरु